【Now財經台】摩根大通繼昨日(23日)唱好國際銀行股，今日(24日)就輪到唱好本地銀行股，雖然上半年業績冇驚喜，但估計全年盈利仍有雙位數增長，除咗東亞銀行(00023)，中銀香港(02388)及大新銀行集團(02356)股價今年累升逾30%，本地及國際銀行股應該點揀好？
王道資本及家族資產管理執行董事黃敏碩指，推動本地或國際銀行股業務嘅背後、亮點各有不同，但主要跟同業比較，投資者可以睇返公司估值、未來股東回報率、成本對收入比率等，去揀心水銀行股。
Michael又話，暫時睇嚟，滙豐控股(00005)及中銀較吸引，原因係公司參與嘅業務較多，又有做回購，更重要係履行派息承諾。
