【Now財經台】截至早上11時止，1小時內《彭博》用戶關注度上升最多港股票，依次為中銀香港(02388)、智譜(02513)、吉利汽車(00175)、紫金礦業(02899)、百濟神州(06160)。
中銀股價暫時已連升第3日，今朝(24日)一開市就破頂，之後愈升愈有，更衝破50元關口，中午收市前成交已有9億元，本地銀行股今日明顯跑出，有分析預期，美息向上將支持中銀今、明兩年淨息差及淨利息收入，加上本港商業地產項目不明朗因素消退，如果用淨息差去秤，本地銀行股係咪較國際性嘅滙豐控股(00005)及渣打集團(02888)優勝？
大華繼顯執行董事梁偉源指，如果單睇淨息差，國際性銀行受惠程度較大，若美國聯儲局下半年真係加息，就算港銀跟加，加幅都唔一定跟足，所以國際性銀行嘅海外業務受惠程度會較大。
Steven又話，本地銀行要留意借貸質素，尤其本港房地產，過去1年，不論住宅、商業地產都有明顯改善，令港銀相關貸款質素改善，繼而影響估值。
