【Now財經台】截至早上11時止，1小時內《彭博》搜尋量最多港股，依次為中國建材(03323)、舜宇光學科技(02382)、建滔積層板(01888)、建滔集團(00148)及稀宇科技(MiniMax)(00100)。
受惠於電子玻璃纖維概念，中國建材股價今日(17日)一度狂飆23%，高見6.53元，旗下中國巨石年產10萬噸電子玻璃纖維，3.9億米電子布生產線成功點火，呢項新業務咪咁值得發展？
資深證券分析師彭偉新指，市場對電子玻璃纖維業務呢類股份有好大憧憬，因為大部分人工智能(AI)級數嘅伺服器底板需要用到呢啲低抗燃性物料，無論英偉達(Nvidia)或其他GPU、TPU生產商，都要用呢啲材料，帶動需求增長。
Castor又話，中國巨石指未來會增加產能，亦唔係一個細數值，令大家擔心物料價格唔再延續以往高位，甚至喺大量生產嘅情況下有機會見頂，而市場亦預料咗未來兩年玻璃布整體價格會有見頂情況，中國建材股價今日急升，係市場嘅唔理性令股價抽高，要小心中國建材最大主要業務非玻璃，而係水泥、石滔板，但呢類業務仲蝕緊錢，升完呢浸回調，投資者要識得「落車」。
