【Now財經台】截至早上11時止，過去1小時內《彭博》搜尋量最多港股，依次為智譜(02513)、中國鋁業(02600)、建滔積層板(01888)、紫金礦業(02899)及MiniMax(稀宇科技)(00100)。
摩根大通最新維持智譜「增持」評級，並大幅調升目標價逾47%，由950元調高至1400元，並指相對2027年，智譜市銷率(PS)達57倍，高過同業，該行認為，集團技術更新節奏快，產品具定價能力。
美銀就給予智譜「增持」評級，目標價1250元，該行指，美國政府出手，下令美國AI巨頭Anthropic禁外國人使用2款先進AI模型。但另一方面，智譜將旗下GLM-5.2編程套餐全量開放，出現咗一個Replace嘅情況。
富昌證券聯席董事譚朗蔚指，美伊達成停戰協議等利好因素，帶動全球市場情緒及風險胃納顯著改善，智譜亦借勢炒上，但佢提醒，長遠仍有待公司實現盈利，現時主要係主題性，以及資金流入流出炒作為主。
佢提醒，智譜股價比較Chok，早前差幾蚊就到2000元，半個月後又急跌至1000元水平，但升浪係冇斷纜，睇技術走勢，如果1200元企得穩，仍然可以向上，若資金配合會有力再上，但建議止蝕位擺1000元，投資者需靈活轉身。
