【槓桿致勝】CALL騰訊博反彈揀咩條款？

【Now財經台】騰訊控股(00700)將會喺今日(13日)派成績表，股價喺業績前3連跌，今朝一度低見454元，跌唔夠1%，其後反覆靠穩，業績前資金流向係點，投資者應該點部署？

中銀國際證券衍生產品部董事朱紅指，騰訊股價最近跑輸大市，走勢偏弱，股價跌至1年低位，股價跌穿500元時有資金流入好倉，喺局勢唔明確之下，較多投資者選擇CALL輪博正股反彈，今年11月到期，行使價約545元，實際槓桿8倍嘅條款較受歡迎。