【Now財經台】美國財政部昨晚(19日)突然宣布，會擴大長債回購規模最少1倍，將會喺9月9日開始，長債息應聲回落，市場對聯儲局嘅加息預期降溫，對東亞銀行(00023)利息及非利息收入影響有幾大？東亞股價由跌轉升，價格都創6年新高位，一度急升8.1%，高見17.6元，依家係咪入場好時機？
亨達財富管理董事總經理姚浩然指，美國今年加息機會較微，因為美國第2季經濟增長只得1.5%，就業市場亦唔太理想。長債方面，佢認為對東亞影響唔算太大，而集團非利息業務、財富管理及產品銷售都值得憧憬，收入有望進一步提升，其中，財富管理產品係焦點。
股價方面，Patrick指，雖然東亞估值唔算好貴，息率近3厘至4厘，但仍建議揀返滙豐控股(00005)及渣打集團(02888)，如果真係想做部署，可以考慮喺16.5元至17元買入。
