【Now財經台】截至早上11時止，1小時內《彭博》用戶搜尋量最多港股，依次為比亞迪股份(01211)、中國平安(02318)、迅策(03317)、銀河娛樂(00027)及天數智芯(09903)。
迅策同深圳數據交易所正式簽署戰略合作協議，未來將拓展人工智能(AI)創新等業務，帶動股價今日(13日)造好，曾一度升逾20%，高見382.8元，迅策係咪可以繼續受惠呢個消息維持升勢？
富昌證券聯席董事譚朗蔚認為，市場追逐科技股嘅大方向已由「ATMXJ」轉至其他半新股，雖然集團今年3月發過盈警，預告去年虧損擴大，但市場仍認為收益增長可抵銷虧損影響，所以繼續睇好迅策，預期股價未來有機會繼續上。
Stevan提醒，迅策短期已累積咗唔少升幅，認為現水平不宜高追，可以等待股價落返235元水平再考慮入手，相信會比較穩陣。
