【Now財經台】截至早上11時止，過去1小時內《彭博》用戶搜尋量最多港股，依次為智譜(02513)、優必選(09880)、比亞迪股份(01211)、稀宇科技(MINIMAX)(00100)及泡泡瑪特(09992)。
智譜昨日(31日)派咗上市後首份成績表，經調整淨虧損進一步擴大至31.82億人仔，但少過預期，不過，智譜及MINIMAX等嘅人工智能(AI)大模型相關股今日(1日)照升，係咪反映場仍睇好行業前景？
資深證券分析師彭偉新表示，呢啲股份之前食住「龍蝦熱潮」(OpenClaw)已經衝咗一浸，睇返智譜業績，整體收益增幅遠勝預期，雖然短期仍可能要蝕錢，但隨著用家及應用場景多咗，雖然業務發展成本高昂，又要不停投放資源搞AI大模型，但唔使擔心最終收唔收得返成本，因為整體收益增長高逾2倍。
Castor相信，未來會逐步見到智譜虧損收窄，甚至有可能喺2028年首次有錢賺，呢啲因素都推高股價。此外，「AI六小虎」其他成員未來應該會陸續嚟香港上市，都有利股價短期繼續上衝。
