【Now財經台】截至早上11時止，1小時內《彭博》搜尋量最多港股，依次為吉利汽車(00175)、騰訊控股(00700)、長飛光纖光纜(06869)、比亞迪股份(01211)及MINIMAX(00100)。
吉利預告旗下「銀河系列」新車M7將於周五(13日)亮相，吉利股價今日(11日)更一度抽升10%，高見17.69元，不過，參考之前車股每逢炒作新車，炒作時間都唔長，今次呢款新車似乎唔係好特別，點解股價反應咁大？
資深證券分析師彭偉新指，車股破位一般有兩大因素，分別係出新車及交付量超預期，今次吉利出新車，加上業績憧憬，令市場重新關注呢隻股份。
Castor又話，睇返技術走勢，依家吉利已迫近保力加通道頂，會有一定阻力，但唔代表股價升勢已完結，出新車消息帶動股價反彈，加上有成交配合，令市場進一步睇好吉利，相信呢浸唔止升一兩日，甚至有機會扭轉之前嘅回落形態，股價有機會轉勢。
