【Now財經台】開源人工智能代理(AI Agent)OpenClaw，內地叫「龍蝦」，因可以幫用戶自動化工作而爆紅，「龍蝦概念股」稀宇科技(MINIMAX)(00100)、騰訊控股(00700)、阿里巴巴(09988)、小米集團(01810)，最近都升得唔錯，呢股升浪係咪可以持續？
易方資本副基金經理王逸研指，雖然OpenClaw嘅Token使用量飆升得好勁，但內地模型廠商嘅Token價格比較平，相對於海外一啲智力高、Token價格貴嘅AI模型，OpenClaw吸引更多人應用，因此，喺海外受歡迎程度極高，整體嚟講，市場都傾向用內地大模型去養呢隻AI龍蝦，因此，Isaac估計，港股嘅「龍蝦概念股」仍會有好表現。
