【Now財經台】全國財政工作會議日前喺北京召開，財政部部長藍佛安明確指出，明年將會擴大財政支出，大力提振消費，繼續支持消費品「以舊換新」，雖然未有披露詳情，但市場解讀為「以舊換新」政策明年有望延續，帶動車股今日(29日)造好，其中，比亞迪股份(01211)及吉利汽車(00175)收市升逾3%，「以舊換新」政策延續對行業有咩影響？
高歌證券金融首席分析師聶振邦認為，補貼政策係好大機會延續，但相信會有調整，參考市傳嘅購置稅消息，將會由3萬人仔全免，減半至1.5萬人仔，意味補貼會減少，因為新能源車市場愈嚟愈成熟，國家補貼焦點或轉向高科技市場，例如機械人。
聶Sir又話，政策調整或包括提高申請汽車續航力嘅要求，以鼓勵車企生產更高質量新車款。
