【Now財經台】內地準備推出更辣嘅法規遏止車企價格戰，包括定價唔可以低過生產價，唔可以串通非理性競爭，若嚴重擾亂市場秩序等違規車企都會被罰，呢個新政策有幾大作用？對車企影響有幾大？
高歌證券金融首席分析師聶振邦指，呢個新政策都係針對「反內捲」，因為最新國策講明售價唔可以低過生產成本，所以依家最主要考慮係車企自身生產成本有冇優勢。
聶Sir又指，新政策會較有利已處於規模經濟嘅車企，但毛利率或邊際利潤率偏低嘅車企，面對嘅競爭壓力就會較大，佢續指，以比亞迪股份(01211)及理想汽車(02015)等為例，呢啲車企已有利潤基礎，所以新政策對呢類公司影響唔大。
