【now.com財經】據《彭博》報道，隨著比亞迪股份(01211)喺海外市場快速增長，集團正研究殺入一級方程式(F1)及耐力賽等「賽道」，希望藉此提升中國品牌喺全球嘅吸引力，今次係內地車企罕見想直接踩入長期由歐美車隊「話事」嘅賽車陣地，不過，進軍F1嘅潛在天價成本，可能係一個好大障礙，其中，單賽季成本已可能高達5億美元，折合約39億港元。
比亞迪股價今早(11日)走勢反覆，消息似乎未能帶挈股價炒返轉，高開0.2%，開市報97.2元，其後升幅一度輕微擴大，高見97.4，但之後掉頭向下，最新報96.6元，跌0.3%。
