【Now財經台】截至早上11時止，1小時內《彭博》用戶關注度上升最多港股，依次為比亞迪股份(01211)、小米集團(01810)、美團(03690)、泡泡瑪特(09992)、比亞迪電子(00285)。
摩根士丹利今日(17日)指，比亞迪股價已自5月高位累跌近30%，主要受業績差過預期及下調指引拖累，不過，比亞迪庫存已消化得七七八八，海外市場份額提升，估計明年海外銷量介乎160萬至180萬部，按年增長68%至89%，依家係咪吸納比亞迪嘅好時機？
大華繼顯執行董事梁偉源指，比亞迪股價近期喺100至105元上落，見到有資金支持，只係欠缺利好消息刺激股價。佢又話，內地電動車市場「內捲」情況激烈，車企要減價谷銷售，但比亞迪毛利率仍可維持喺高水平，盈利未受太大影響，不過，內地電動車市場開始飽和，所以未來要睇出口銷售表現，但現時海外市場對盈利貢獻仍然唔大，但相信比亞迪可以走出「內捲」困局。
