【Now財經台】截至早上11時止，1小時內《彭博》用戶搜尋量最多港股，依次為美團(03690)、新世界發展(00017)、亞盛醫藥(06855)、萬科企業(02202)及碧桂園(02007)。
美團股價今早(22日)跟隨大市向下，美國總統特朗普(Donald Trump)上任第2日就指，依家傾緊係咪2025年2月1日起，向中國加關稅10%，消息一出，港股今日顯著下挫，暫時終止6連升，特朗普上場後，港股表現係咪有好大隱憂？
資深證券分析師彭偉新指，其實特朗普仍未明確表示要加中國關稅，但A股已開始回調，但港股之前仍繼續升，反映市場睇得太樂觀，連平台經濟股如騰訊控股(00700)、阿里巴巴(09988)及美團等被炒高。
佢又話，大市今日突然急坐，明顯市場係攞住特朗普最新嘅關稅言論，作為沽貨藉口，美團係恒指成分股，現時佔比約8%，所以當指數跌嘅時候，美團好大機會跟跌，後市要睇住美團可唔可以企得穩20天線，再做反彈部署。
