【Now財經台】新世界發展(00017)股價今日(22日)一跌到尾，一度大跌6.7%，險守4元關口，近日傳出公司要進行債務重組，但集團之後發公告澄清傳聞。昨日有報道指，新世界獲包括銀行在內嘅貸款人放寬融資條款。此外，又有報道話，多家銀行已停止接受以新世界部分證券作為保證金貸款抵押品。呢啲消息會唔會影響股價？
元宇證券基金投資總監林嘉麒指，當一家上市公司宣布債務重組，意味有可能出現違約，一定會影響公司信貸評級，而之前向銀行借嘅錢有可能要收返，所以公司一定會否認進行債務重組。睇返新世界嘅情況，依家的確毋須行債務重組呢一步，所以市場就會出現一啲傳聞，例如貸款方式有變，市場上有融資融券等動作，相信都係基於股市表現嘅考慮。
KK又認為，唔可以用證券及債券做抵押品，主要影響孖展交易，當銀行斬倉時，客戶一般都會選擇沽出冇質押價值嘅股份及債券，而股價及債價出現波動，除咗受市場消息影響，部分亦同操作相關因素有關，短線嚟講，新世界股價...
