【Now財經台】截至早上11時止，1小時內《彭博》用戶搜尋量最多港股，依次為碧桂園(02007)、新世界發展(00017)、萬科企業(02202)、美團(03690)及復宏漢霖(02696)。
早前傳出萬科總裁祝九勝被公安機構帶走，股價一度受壓，但之後集團闢謠，加上向部分債權人指已準備好足夠現金償還2025年1月到期嘅債券，市場似乎都幾受落，股價又炒返上去，今日(21日)一度勁升15%，高見5.71元，短炒萬科係咪有得諗？
大唐資本投資策略部總監盧志明指，內房不斷傳出管理層失聯、清盤等消息，市場會繼續充斥呢啲消息，佢又認為，內房股想反彈係非常困難，所以現時只適合做短線操作，Ken建議，投資者可以趁內房股開始有好消息時做部署，當再有新消息刺激股價爆升時，就可以食糊離場。
