【Now財經台】截至早上11點，過去1小時內《彭博》用戶搜尋量最多港股，依次為新鴻基地產(00016)，新世界發展(00017)、恒基地產(00012)、建設銀行(00939)、美高梅中國(02282)。
今日(5日)大市向下，但地產股新地、新世界及恒基齊逆市升，市場最新預期美國9月減息0.5厘嘅機會升至逾70%，加上政府微調按保計劃，刺激地產股今日(5日)逆市造好，到底地產股逆市向上嘅原因係咪真係咁？
富昌證券聯席董事譚朗蔚指，弱勢嘅地產股反彈，主要受美國減息消息帶動，本地樓市因素只係其次，之前聯儲局拖住唔減息，市場見到最新就業數據唔好，就炒作聯儲局9月會大手減息，當減息預期不斷升溫，就會推高地產股股價。
但Steven提醒，買本地地產股除咗要留意息口，仲要睇需求，包括整體樓市及樓價走勢。
