【Now財經台】截至早上11時止，1小時內《彭博》用戶關注度上升最多港股，依次為永利澳門(01128)、安踏體育(02020)、比亞迪股份(01211)、銀河娛樂(00027)及金沙中國(01928)。
賭股過去兩星期不斷傳出利好消息，包括6大牌主成功續牌、內地加快放寬防疫措施，最新又傳出內地最快今日公布優化防疫措施，而澳門政府噚日發聲明，指同國家防控政策保持一致，將逐步防寬防疫，但重申絕不躺平，市場憧憬好快同內地全面通關，不過，個別賭股已升足8日，短線係咪都要調整？
獨立股評人譚智樂指，賭股短線隨時有機會調整，但好難判斷喺邊個水平調整，因為股市永遠有炒過龍嘅情況，由上星期開始，市場不斷憧憬內地防疫政策會有改變，到呢一劇刻員對Omicron及疫情嘅態度，都出現一個好大嘅轉變，但其實都醞釀咗一段時間，依家防疫政策真係出現一啲真實嘅改變。
佢又話，睇返過去8個交易日，美資賭股係升得比較勁，因為之前跌得比較殘，短線而言，有貨可以繼續持有，到防疫措施正式調整時，賭股就會調整，中長線而言，賭股係OK。
