【Now財經台】截至早上11時止，1小時內《彭博》用戶關注度上升最多港股，依次為周大福(01929)、銀河娛樂(00027)、小米集團(01810)、中遠海能(01138)及百威亞太(01876)。
周大福、銀娛及百威因疫情防控放寬又翻炒，但依加內地疫情持續升溫，須再收緊防控措施，今波疫情殺傷力有幾大？係咪只帶來短期震盪？
富昌證券聯席董事譚朗蔚指，內地防疫政策會持續優化，但疫情防控經常反覆，而大市及相關板塊已自低位彈咗唔少，唔排除一有消息出現就有套利交易。
佢又話，周大福股價過去1個月反彈得唔錯，內地幾家金飾零售商中，周大福喺內地嘅市場佔有率，以及同店銷售增長都比較理想，認為投資者可繼續持有周大福，睇下股價可唔可企得穩15元水平。
