【Now財經台】澳博控股(00880)昨日(28日)出咗業績，上半年虧損擴大，澳博股價今日(29日)重挫，一度瀉逾14%，低見2.85元。此外，摩根大通指，澳博上季市佔率跌至12.3%。到底澳博股價幾時先可以升返上去？市佔率下滑問又點解決？
王道資本及家族資產管理執行董事黃敏碩指，依家澳博業績較差，加上投資者亦有唔少其他選擇，例如金沙中國(01928)，相對澳博，金沙業務有明顯改善及推動力，相信資金暫時都唔會揀澳博，相信要等澳博經營有起色，然後再評估估值及盈利前景，認為有利可圖先會再考慮澳博。
Michael直言，澳博股價跌咗落嚟，要收復失地唔係咁易，所以依家唔係一個撈底博反彈嘅時機。
