【專家分析】Walmart沽京東隨時拖冧阿里等股價

【Now財經台】外電引述消息人士指，美國零售巨企沃爾瑪(Walmart)計劃減持京東集團(09618)持股，套現逾200億港元，京東美股昨晚(20日)跌逾4.5%，盤後更急瀉11%，主要股東之一計劃減持，擔唔擔心會引爆「逃亡潮」？繼而拖累港股氣氛？

高富金融集團投資總監梁偉民指，雖然Walmart減持消息仍未證實，但市場已經憂慮京東係咪出現營運問題，以及股價過高嘅情況，雖然京東盈利增長仍然唔錯，但過去兩年收入都冇乜增長，令市場擔心內地零售、電商競爭情況仍然唔明朗，集團前景唔太樂觀。

Wyman續指，若市場信心受損，科技股有可能沽壓湧現，例如阿里巴巴(09988)、騰訊控股(00700)、百度集團(09888)等短期影響較大，亦可能會拖低恒生指數，要留意內地經濟復甦情況，以及有冇新政策出台，否則，恒指後市好難突破18000點。