【Now財經台】騰訊控股(00700)推出新射擊遊戲《三角洲行動》(Delta Force)，摩根士丹利估計，平均日活躍用戶約500萬，每月每戶平均付費80人仔，不過，相比5月推出嘅《地下城與勇士》嘅角色扮演遊戲(RPG games)，市場熱度或流水預測似乎冇咁理想？
艾德金融執行董事陳政深指，市場上最頂級嘅射擊遊戲競爭激烈，《三角洲行動》一定有好多支持者。佢續指，雖然《三角洲行動》同其他RPG遊戲嘅特性唔同，可以令玩家沉迷嘅機會較細，相對願意課金嘅意欲冇咁大，但射擊遊戲亦容易在地化處理，只係第一身地尋找敵人射擊，所以好似大摩嘅推論，每戶每月會課金80人仔都係合理。
Ryan補充，騰訊上半年增值服務收入1574億人仔，但只佔整體收入約50%，雖然靠每戶每月課金80人仔唔足以帶動遊戲收入，但只要騰訊將來喺遊戲呢個領域上多線發展，就可以利好增值服務。
