【輪證贏家】S金Call過夜食27%

【now.com財經】呢期真係政治市，每日瞓醒都有新消息出現，市場點解讀都好，波動性強你都真係預咗；如果無時間Day Trade或怕咗佢啲大上大落嘅話，啲錢搵個地方泊一泊岸先。

停泊嘅地方有好多，揸Cash其實都係一個方法，等過咗呢段不安嘅時間先至再出手嘛。而我就選擇咗擺喺金；所以噚日主力睇SPDR金ETF(02840)，再揀定隻S金Call(27843)，平均買入價為0.2875元。

揀Call除咗因為佢無牛證(哈哈)之外，都係因為諗住可以停耐少少，甚至過一晚夜，唔止作戰室，睇呢篇文嘅有時侯都未必可以跟到個市咁貼，大家都要做嘢架嘛，所以隻(27843)一開始已經係諗住揸過夜。

今朝再來加關稅(好似開始有少少麻目)，啲金價又嚟料，而依家9點55分，隻2840嘅單位價格爆升64元，報2,297元，創出52周新高；最高見過2302元。

至於隻(27843)依家輪價做緊0.365元，一計之下呢Round過夜有26.96%正數落袋。

今日星期五嚟架，有食好食啦！Happy Friday!

作者阿珊，以技術分析專心玩輪證，唔貪心，努力賺取我家肥貓罐罐。

想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。