【Now財經台】中芯國際(00981)股價近期回穩，早前跌至逾1年低位，即41元水平後逐步反彈，今日(12日)一度升逾5%，高見51.55元，重上50元水平。公司今日收市後會出業績，現時市場嘅熱門中芯CALL，實際槓桿介乎3至6倍，明年4至8月到期，部分行使價更高過80元，如果睇好業績後股價表現，投資者應該點部署？
星展香港環球金融市場上市產品主管周國威指，行使價高於80元、年期較短嘅CALL，雖然槓桿較高，但價外幅度大，風險亦較高，未必適合現價做部署。
佢又話，若睇好中芯股價中線逐步回升，可考慮行使價約60元至62元、價外10%至20%嘅CALL，實際槓桿約3至4倍，呢類產品年期較長，明年9月底到期，即使股價升勢較慢，亦有較充裕時間等待反彈，屬於較進可攻、退可守嘅選擇。
