【Now財經台】港股昨日(22日)大跌，昨日即市低位同今年低位22518點，只相差幾百點，其實昨日係咪跌過龍，有冇股份值得撈底？英國下星期會公布預算案，市場睇緊會唔會向銀行及石油徵收暴利稅，對滙豐控股(00005)有冇影響？
冠域商業及經濟研究中心主任關焯照表示，港股唔似美股，盈利表現麻麻，如果真係想撈底，就要揀穩健、防守性高嘅股票，例如滙控或內銀股。此外，個別強勢股如醫藥股百濟神州(06160)，或者做cloud service嘅股票都係相對穩陣。
關博士補充，息率回落有利大型國際金融股，滙控今轉跌落嚟，低位都只係142蚊，渣打集團(02888)亦跌到200幾蚊，雖然渣打被label為細銀行，但佢本身盈利能力強，集中資產管理，現價係抵買。佢又話，向銀行徵稅影響已經反映哂，所以唔使太擔心。
