【Now財經台】早前，摩根大通及摩根士丹利做咗內險股第3季業績預測，雖然兩家大行嘅預測有差異，但整體嚟講，預期表現最差會係中國人壽(02628)，摩通估計，國壽第3季少賺89%，大摩更預期會「見紅」，點睇呢個預測？
王道資本及家族資產管理執行董事黃敏碩指，國壽過往喺投資及人均從業員嘅產能推動上，表現較理想，不過，由於市況唔好，市場都可能擔心呢方面對國壽業績貢獻會受較大影響。
此外，以中國平安(02318)為例，平保係混業經營，亦有銀行等其他業務收入，但國壽較專注經紀方面，因此，國壽會唔會喺近期市況及政策推動下受到衝擊，都仲要觀察。
Michael又認為，近期國壽股價確實面對較大追落後壓力。
