【Now財經台】截至早上11時止，過去1小時內《彭博》搜尋量最多港股，依次為中國宏橋(01378)、龍湖集團(00960)、百濟神州(06160)、中國平安(02318)及聯想集團(00992)。
內地將於下周一(19日)公布國內生產總值(GDP)、零售及固定資產投資數據，市場估計，首3季房地產投資跌20%，將錄得歷來最大跌幅，雖然預期固投將會縮水，但今日(16日)內房股集體跑出，特別係龍湖，股價高開逾1.6%後，升幅一度擴大至逾10%，高見5.26元，點解會出現呢個情況？
大華繼顯執行董事梁偉源指，雖然有大行下調明年經濟增長預測至4%，但自第3季開始，中央陸續推出金融、房地產等政策穩住內地經濟，市場憧憬政策會利好內房股，加上龍湖基本面仍算吸引，所以股價今日大升。
Steven又話，一線城市北上廣深喺9月底陸續推出利好房地產嘅政策，如果見到成效，亦會對內房股有較大幫助。
