【Now財經台】中國平安(02318)昨日(20日)派咗成績表，上半年新業務價值升11.2%至248億人仔，盈利按年增長36%至926億人仔，單計第2季，平保盈利按年增長65%，投資收益按年增長42%至1369億人仔。平保股價今日(21日)高開近2%後，升幅一度擴大至4%，高見56.3元。股市上半年，尤其第2季表現幾好，係咪有利平保業績？
王道資本及家族資產管理執行董事黃敏碩指，完全係時勢做英雄，市況理想帶動平保業務收益，不過，市場都要留意持續性，其實平保業務及投資收益穩定性略嫌不足。
Michael又話，市場覺得公司優勢係混業經營，除咗留意保險業務，仲要留意資本、銀行等業務，如果一瓣做得好，但其他做得差，市場就會對公司前景睇得比較審慎。
