【Now財經台】截至早上11時止，過去1小時內《彭博》搜尋量最多港股，依次為建滔積層板(01888)、聯想集團(00992)、新世界發展(00017)、友邦保險(01299)、蒙牛乳業(02319)。
英偉達(Nvidia)股價又破頂，帶動外圍半導體股造好，部分人工智能(AI)相關股更創新高，包括網絡安全相關的Crowdstrike及Palo Alto等，港股呢邊，資金趁市場對聯儲局10月再加息嘅預期降溫，翻兜AI股，但大市近排表現麻麻，應該點部署？
富昌證券聯席董事譚朗蔚指，投資者可以用美國10年期債息做指標，決定做防守或進取部署，雖然美國上周出爐嘅非農數據好差，令聯儲局加息預期即時降溫，但10年期債息仍企喺5.25厘水平，但亦唔使太擔心美股科技股，始終美股整體仍然好牛。
港股方面，Stevan就指，依家宜炒股唔炒市，可以考慮短炒偏強個股，包括聯想集團及聯想控股(03396)、建滔集團(00148)及建滔積層板，呢啲都係適合短炒，又有單日波幅嘅股份。
