【Now財經台】截至早上11時止，過去1小時內《彭博》搜尋量最多港股，依次為吉利汽車(00175)、康方生物(09926)、希音(Shein)(00625)、萬科企業(02202)、中國海外發展(00688)。
希音股價今日(29日)創上市新低，一度低見30.24元，瀉逾14%，集團派咗上市後第1份成績表，截至6月底止第2季，經調整少賺67%，上半年經調整亦少賺56%，希音預期，下半年有「雙11」、「黑色星期五」(Black Friday)及聖誕節等傳統零售大日子，屆時定單量勢大升，希音下半年銷售係咪一如公司預期咁樂觀？
復星國際資產管理部投資經理李曉翀表示，希音收入受淡季影響而下滑，又估計Meta發布嘅人工智能代理(AI Agent)MUSE對希音收入有好大影響，若希音不在合作範圍，收入或受影響。
Andrew又話，受美伊戰事及也門衝突影響，導致履約費大增，有機會導致希音盈利受壓，內部供應及外部收入擴張係希音下半年嘅關鍵，所以，要再睇多一段時間先知係咪好似公司想像中咁樂觀。
