【Now財經台】截至早上11時止，過去1小時內《彭博》搜尋量最多港股，依次為聯想集團(00992)、新世界發展(00017)、石藥集團(01093)、智譜(02513)、中國生物製藥(01177)。
聯想股價今日(21日)中午收市挫5.6%，報35.46元，不過，聯想近日其實升咗唔少，周五(18日)更破頂，爆升近10%。此外，市傳聯想控股(03396)正尋求出售盧森堡國際銀行(BIL)股權，估值可能高達25億歐元或以上。聯想及聯控可以點部署？
富昌證券聯席董事譚朗蔚指，聯想嘅人工智能(AI)電腦及數據中心等業務表現突出，係集團業務亮點，加上聯想估值堅韌，今年中好多AI股表現亢奮，但2個月後股價紛紛「腰斬」，但聯想就相反，股價喺8月再衝高，近日再度出現突破，反映係一隻強勢股，仍值得繼續睇好。
Stevan又指，就算趁調整吸納都要揾個靚價，認為今日調整咗5%仍未夠，投資者可以股價落到33元水平再部署，而聯控就可以吼19.5元水平再考慮。
