【Now財經台】四大國有銀行上周五(28日)已派咗成績表，即中國銀行(03988)、工商銀行(01398)、建設銀行(00939)及農業銀行(01288)，4隻股份今日(31日)強勢，升1%至5%，睇返6月底至7月期間，成個內銀板塊都比較弱勢，主要係市場擔心淨息差前景，同埋盈利空間受壓，股價今日終於借業績翻身，依家股息率約4厘至5厘，收息角度睇算唔算吸引？
高歌證券金融首席分析師聶振邦指，內銀股整個8月持續向上，主要係7月至8月再出現板塊輪動，7月有較多資金流入消費股，但去到8月大市冇乜方向，可能因為內銀股息率較吸引，資金就流入，其後人仔升值，內銀股又可以受惠，因此，8月中或之前已入手嘅投資者，就算息率低，仍有唔錯嘅利潤空間，反而依家先入手，吸引力就有限。
