【Now財經台】恒生指數上周五(21日)重上26000點，但今日(24日)一開市已失守，曾急瀉近600點，低見25430點，主要受阿里巴巴(09988)在港上市以嚟，破天荒計劃配股集資消息拖累，今次擬集資嘅金額高達800億元，市場擔心乜嘢？
華夏基金(香港)國際業務部副總裁李星宇認為，投資者對阿里配股感到驚訝，因為公司現金流相對充裕，不過，美國市場對配股集資去加大人工智能(AI)投資偏正面，因認為加大AI資本開支(CapEx)會利好行業，甚至經濟，不過，對大中華地區嚟講就係壞消息，市場會質疑配股企業籌返嚟嘅錢，係咪真係全數用喺AI，集團盈利情況係咪理想，事實上，幾家科企業績都冇提及點樣用AI去實現商業化成果。
Chris又話，雖然阿里股價今日大跌，但認為市場對阿里、騰訊控股(00700)、百度集團(09888)嘅財務狀況睇法仍正面，只係AI發展步伐較投資者預期慢。
