【Now財經台】泡泡瑪特(09992)昨日(20日)收市後派咗成績表，半年多賺10%，董事長王寧指，全年收入增長20%嘅目標可能做唔到，今日(21日)股價低開逾8%後，跌幅一度擴大至8.8%，低見140.1元，多唔多好友趁股價急挫入場？受歡迎CALL輪槓桿介乎2倍至7倍，其中，2倍槓桿嘅條款有唔少資金留意。
星展香港環球金融市場上市產品主管周國威指，今日見到資金趁泡泡瑪特出咗業績，同埋管理層有較保守講法，喺低位部署CALL輪博反彈。
Dick又話，槓桿逾2倍嘅CALL普遍明年底到期，適合博中線，所以做到2倍至3倍槓桿，雖然槓桿低啲，但相對坐貨時間值損耗都低少少，可以博股價中線慢慢向上。
