【now.com財經】曾經係泡泡瑪特(09992)吸金王嘅Labubu，最近出咗「THE MONSTERS一喵變貓系列」，睇POPMART一定要睇二手市場，雖然呢個系列好多人Like，但正式開賣前後，二手價都係炒唔起，個別款仲要低過原價，反映Labubu銷情仍然冇起色。
另一方面，市場睇淡公司第3季銷售，更重要係，至今都未公布幾時出業績，難免令市場擔心，亦被《彭博》點名有補稅風險，喺咁多不利因素夾擊下，集團股價過去1個月累跌11%，今年以嚟就累跌近30%，昨日(20日)一度瀉近6%，創2025年4月以嚟即市新低，值得留意係，單計昨日半日成交，已相當於平日近7倍。
雖然港股今朝(20日)反彈，但泡泡瑪特股價繼續跌，一度低見132.5元，再跌近3%，股價最新續於低位上落。
