【Now財經台】截至早上11時止，過去1小時內《彭博》搜尋量最多港股，依次為中國移動(00941)、泡泡瑪特(09992)、聯想集團(00992)、騰訊控股(00700)及小米集團(01810)。
中移動第3季營業收入按年跌3%，純利就按年跌12%，首3季純利亦要跌，雖然美銀維持中移動H股「買入」評級，目標價98元，摩根士丹利就睇80元，但同現價比較水位唔多，後市更有機會落到73元，應該點部署？
艾德金融執行董事陳政深指，中移動股價波動性相對細，加上派息穩定，適合長線收息，但股價上望空間有限。雖然集團用戶突破10.1億，5G滲透率高達70%，但每戶平均消費難大幅增長，會限制咗收入增長。另一方面，家庭及政企寬頻業務持續擴張，有助穩定現金流。
Ryan續指，中移動派息比率偏高，市場預期，股息率介乎約6厘至7厘，再增加派息空間唔大，加上高息及高通脹環境，對電訊股估值未必有利，除非市場進一步追捧高息資產，否則，中移動股價較難出現明顯突破。
