【Now財經台】截至早上11時止，過去1小時內《彭博》用戶搜尋量最多港股，依次為國泰君安國際(01788)、老鋪黃金(06181)、西部水泥(02233)、建滔積層板(01888)及藥明生物(02269)。
老鋪黃金係今日表現最好藍籌，摩根士丹利最新削老鋪黃金目標價14%至505元，但維持「增持」評級。老鋪黃金之發盈喜，但變相係盈警，大摩估計，集團第2季業績差過預期，不過，金價踏入第3季開始回穩，大摩話，留意到老鋪黃金部分門店再出現人龍，又話估值及股息率吸引。點睇公司前景？
富昌證券聯席董事譚朗蔚指，老鋪黃金強項係工藝產品，有機會搶閘受惠於金價回穩，但過去半年金價下行，所以對股價可唔可以反彈有保留。佢認為，呢類金飾股除咗留意金價，仲要睇住內地消費復甦情況及市場數據。
Stevan提醒，單純有人排隊未必反映到真實數據，又認為投資者應有戒心，寧願等股價確認回升再做部署。
