【Now財經台】截至早上11時止，過去1小時內《彭博》搜尋量最多港股，依次為農業銀行(01288)、小米集團(01810)、國泰君安國際(01788)、天數智芯(09903)、MiniMax(00100)。
小米今晚(7日)會舉行秋季發布會，又搶先喺蘋果公司(Apple Inc.)發布新產品，18 Fold摺摺疊手機、新平板9 Pro Max、3款「澎程」系列新車都會亮相，通常發布會前都會炒返轉，但小米股價近期好似唔識郁，8月下旬到依家一直喺26元至28元上落，新產品會唔會帶嚟新憧憬？新手機可唔可以改善毛利率？
富昌證券聯席董事譚朗蔚指，發布會前一般都會有憧憬，但發布會後就失望而回，小米股價8月至今一直橫行，預示新產品未必有驚喜，集團過往靠手機「賺大錢」，再支援其他業務發展，例如晶片及汽車業務。
不過，依家市場對零件價格上漲好擔心，例如記憶體及晶片，導致被迫加價或壓縮毛利率，所以小米毛利率上升憧憬好細，可以留意股價喺發布會後有冇支持，一旦失守27元，投資者必須小心。
