【Now財經台】港股嚟到8月第3個交易日，恒生指數繼續喺26000點水平及250天牛熊線波動，大市7月成功「翻身」，恒指累升約3000點，8月開局至今升勢明顯弱咗，部分出咗業績嘅重磅股，例如渣打集團(02888)、滙豐控股(00005)，股價喺放榜前已不斷破頂，出完業績後都要回套，係咪代表恒指喺8月好難靠業績期推到更高？
《香港股票財技密碼》作者梁杰文表示，8月要複製7月升幅近乎冇可能，但會維持整固狀態，市場會持續觀望大藍籌中期業績，雖然渣打、滙控出業績後，股價冇大突破，但唔排除中資金融股、人工智能(AI)股，甚至舊科技股如阿里巴巴(09988)、騰訊控股(00700)等業績有驚喜，預示行業未來趨勢向好，到時可能會吸引新資金入場。
Mike建議投資者先觀望，始終大市已自低位反彈咗唔少，要再衝上去需要好強嘅動力。
