【Now財經台】港股業績期已展開，企業陸續派成績表，其中，之前已發咗盈喜嘅國泰航空(00293)，將會喺下周三(8月5日)放榜，股價近期曾經破頂，除咗憧憬公司會交靚業績，仲有冇其他因素吸引資金追入？值得留意係，國泰母公司太古(00019)股價呢幾日升得幾急，除咗反映國泰盈喜，有冇其他原因？
艾德金融執行董事陳政深指，太古係綜合企業會比較難估值，國泰之前出咗盈喜，市場要估業績係容易咗，加上大行中信里昂及滙豐證券對地產睇法相對樂觀，認為最壞時間已過，太古較多商用物業，加埋一直有做資產回收，可以為集團製造現金流，而呢個係市場好重視嘅環節，加上近年不斷出售非核心資產，令集團手上有好多Cash。
Ryan續指，喺咁多個因素加埋，唔止買國泰反彈呢個因素，係買派息增長及持續回購，可以逐步收復綜合企業折讓較大呢個因素。至於股價放榜後會點行，佢就話，最重要業績唔好令市場失望，如果僅符合預期，冇額外驚喜及指引，有機會出現短線獲利盤，不過...
