【Now財經台】騰訊控股(00700)是最近5個交易日最多資金流入個股，好倉有逾8000萬元坐貨，騰訊股價今早(27日)跟隨大市反彈，高開近1%後，升幅一度擴大至逾3%，高見446.4元，行使價500元以上嘅CALL都幾活躍，槓桿最高去到9倍，算唔算吸引？
中信證券國際股權衍生品銷售聯席董事李佳原指，當騰訊股價急升時，引伸波幅都跟升，當股價回落時，投資者傾向用CALL輪做部署，博股價反彈，騰訊貼價CALL引伸波幅約30，對比同樣熱炒嘅科技股阿里巴巴(09988)、美團(03690)，騰訊窩輪比較平。
Sam又話，熱門嘅條款都係揀緊行使價480元至490元水平，都係比較貼價嘅CALL，因為騰訊窩輪平，所以都做到接近6倍槓桿，整體條款嚟講都唔錯。
