【Now財經台】英偉達(Nvidia)供應商之一，內地光模組龍頭中際旭創(03308)公開招股，將會喺下周一(27日)截飛，集團今次引入33名基石投資者，包括淡馬錫(Temasek)、高瓴(Hillhouse Group)、阿里巴巴(09988)、騰訊控股(00700)、周大福企業等，以A股現價計，同H股招股價上限有約20%折讓，未入飛嘅散戶，值唔值得趕「尾班車」，但入場費約5萬元，絕對唔平？點預測首掛表現？
高歌證券金融首席分析師聶振邦指，睇返比例，基投認購嘅股份佔差唔多一半，反映基投對中際旭創中長線發展有信心。集團自2024年第2季至今年第1季，每季收入都有增長，對中長線投資者嚟講，中際旭創基本面有一定吸引力，不過，就未必啱短線投資者。
聶Sir估計，中際旭創首掛有50%機會炒高，如果真係要抽，建議用現金抽，因為一手要逾5萬元，如果用孖展，由於利息開支大，損手風險會相對高。
