【Now財經台】截至早上11時止，過去1小時內《彭博》用戶搜尋量最多港股，依次為騰訊控股(00700)、滔搏(06110)、紫金礦業(02899)、紫金黃金國際(02259)及港交所(00388)。
金礦股今日(22日)集體造好，國際金價近日由每盎司4000美元樓下，升至4100美元樓上，紫金礦業及紫金黃金國際股價今日一度大升7.8%及逾15%，高見33.98元及124.9元，金礦股現價值唔值博？
資深證券分析師彭偉新認為，雖然今年2月底有唔少投資者沽黃金，導致金價下跌，但現價係市場認可嘅投資水平，加上有唔少大行認為金價已見底，並重新睇好金價，而避險因素有助推升金價，繼而利好金礦股。
Castor續指，金礦股波動性明顯大過金價，意味愈多黃金資源嘅公司愈受惠，佢又提及，紫金黃金國際持有全球主要9個金礦，產能可進一步提升，估值有更多上升空間，建議投資者可以考慮入手紫金黃金國際，但同系紫金礦業就不宜沾手，因為易受其他因素影響。
