【Now財經台】截至早上11時止，過去1小時內《彭博》搜尋量最多港股，依次為MiniMax(稀宇科技)(00100)、長和(00001)、智譜(02513)、天數智芯(09903)及小米集團(01810)。
近日出現「AI股解禁變抽水」嘅情況，繼智譜及天數智芯後，輪到MiniMax計劃「配股+發CB」，合共集資約160億元，昨日(9日)股價已重挫逾10%嘅MiniMax，今日(10日)一度再瀉逾16%，低見248.4元，失守配股價，點睇呢輪「抽水潮」？
大華繼顯執行董事梁偉源指，市場資金始終有限，MiniMax已經係近期第5隻「抽水股」，加上集團發CB會惹嚟技術性沽空，所以今日股價跌勢比之前嘅解禁股更急。
Steven又話，睇返基本因素，MiniMax比智譜遜色，例如6月發布嘅人工智能(AI)模型，市場反應唔算太好，但智譜嘅「GLM 5.2」模型迅速快打入下載榜前5位，反映市場對智譜新模型評價非常高，亦反映MiniMax吸引力唔及智譜。
