【now.com財經】喺2026年美墨加世界盃開幕式上，泡泡瑪特(09992)旗下皇牌IP Labubu驚喜現身，成為世界盃史上協力廠商IP亮相世界盃舞台「第一人」，中金最新發報告為Labubu「打氣」。
中金指，Labubu喺世界盃亮相，可進一步提升呢個IP及泡泡瑪特，喺美洲文化圈以至全球市場嘅認知度，又話標誌著中國IP潮玩企業全球化發展去到一個新高度。
該行又認為，泡泡瑪特估值正處於歷史低位，短期會有催化劑，中期業績亦有望改善，重申集團係行業首選股，目標價繼續睇218元。
不過，泡泡瑪特喺世界盃開鑼後至今，累計仍要跌約3%，今日(16日)就一度跌4.4%，低見169.1元。
