【Now財經台】截至早上11時止，過去1小時內《彭博》用戶搜尋量最多港股，依次為建滔集團(00148)、騰訊控股(00700)、建滔積層板(01888)、友邦保險(01299)及藥明生物(02269)。
建滔積層板股價今日(9日)再創近期新高，一度飆逾16%，花旗估計，集團將會喺7月中旬就上半年業績發盈喜，又預期集團6月底將會再上調覆銅面板(CCL)價格，建滔系係咪可以繼續睇好？
信達國際研究部助理經理陳樂怡指，睇返技術走勢，建滔近期明顯發力，加上印刷電路板(PCB)主題不斷發酵，主要見到人工智能(AI)伺服器需求持續增長，帶動覆銅面板上游原材料價格持續上漲，喺「Cost-Plus」模式下，相信今年嘅加價潮唔會停。
Tracy又話，喺平均售價上漲下，集團盈利預測一定會被上調，受潛在加價及盈喜消息帶動，加上PCB板塊持續獲資金流入，公司喺技術層面嘅滲透率亦有所提升，所以有較大定價權，預期股價短期仍會偏強。
