【Now財經台】阿里巴巴(09988)股價連續兩日回調，今早(5日)平開後，一度升1.2%，高見125.1元，但其後轉跌，博阿里反彈應該揀咩條款？
法興證券上市產品銷售部董事蔡秀虹替指，短線炒作阿里嘅資金，都偏向揀進取少少嘅條款，過去5日，阿里波幅冇騰訊控股(00700)咁大，佢建議，牛證可以考慮做中線部署，收回價可以揀距離現貨價7%至9%，槓桿9至10倍，可以持倉過夜。
CALL輪方面，佢指出，如果想做短線操作，可以揀價外少少，行使價160元至170元，槓桿有8倍，若想做中線部署，就可以揀貼價少少，行使價140元至150元，槓桿6至7倍。
