【暗盤坐「過山車」勁驚嚇】港產「藥妝王」龍豐首掛抽中要輸錢

【now.com財經】今日(5日)有3隻新股登陸港交所(00388)，當中包括港產「藥妝王」龍豐集團(02290)，暗盤昨日(4日)喺3大主要暗盤場表現分化，走勢更坐「過山車」，衝高逾70%後，喺獲利盤湧現下，一度「破底」，收市可輕微高過招股價。龍豐今朝首掛股價「潛水」。

龍豐開市報4.32元，較招股價5.18元，低逾16%，其後一度低見4.12元，低招股價逾20%，最新報4.34元。若以暫時即市低位計，每手500股，不計手續費，一手帳蝕約530元。