【Now財經台】截至早上11時止，過去1小時內《彭博》用戶搜尋量最多港股，依次為美團(03690)、優必選(09880)、藥明生物(02269)、港交所(00388)及紫金礦業(02899)。
持續上榜嘅美團係今日(9日)係表現最差藍籌，摩根士丹利唱淡電商股，話呢類股份正失去成長動能，但競爭就冇減少，而持續競爭或會消耗市場期待嘅「成熟紅利」，由於行業正進入結構性低增長期，估計2026至2030年平台交易年複合增長率僅3.2%，將美團目價價由110元削至90元，評級降至「與大市同步」，點睇美團股價走勢？
富昌證券聯席董事譚朗蔚指，電商股反彈係因為市場認為呢啲公司勝在冇人工智能(AI)成份，所以美團嘅震盪相對冇咁爆，但股價點行仍要睇埋未來業績增長。
Stevan又話，電商企業面對好多競爭對手，除咗犧牲毛利，甚至主打免運費拖低利潤，即使有好高嘅頂線搶市佔，但搶完都冇好大嘅盈利增長空間。佢續指，雖然美團股價間中會隨大市彈，但由於跌浪係持續，後市宜保守啲。
